【被人用磁叉通過一次淋巴，嗰種痛真係一世難忘】
大家都一定聽過，通淋巴有好多好處，排毒、去水腫、膚色靚、瘦身，V臉…
豆姐一直都好想試，結果同佢去試咗用精油通淋巴。
本來！本來我以為通淋巴同一般按摩無咩分別，我同豆姐都非常鍾意按摩做Spa，去泰國幾乎每日都按，下午行街行到攰，臨返酒店都要按返次先安樂。
所以我自己都好期待去通淋巴，當日我同豆姐去到，瞓上床，諗住可以瞓一陣輕鬆吓。
「我哋開始喇～」技師同我講。
「嗯。」我已經全心全意準備瞓覺。
點知佢一推，我雙眼一瞪！全身肌肉一揪！睡意全消！
好痛…真係好痛…差啲忍唔住嗌咗出黎！
「咁、咁痛嘅？會唔會可以輕力啲？」我問技師。
「通淋巴係咁嘅，先生你忍耐吓，痛係正常。」
痛係正常…？
但我痛到就嚟精神失常！我望一望旁邊嘅豆姐，佢都一樣臉容扭曲，咬牙切齒。
技師起勢咁推散我啲淋巴，可能佢見我痛到反晒白眼，就同我講笑咁話：「嘩，你呢個位好塞啊，好似放工時間紅磡海底隧道咁塞，我幫你推返散佢！」
嗰一刻，我痛到雙手捏住張床，仲想咬住條毛巾添。終於，通咗45分鐘，我根本完全無瞓過，全身都痛到郁唔到…
「乜妳唔痛咩？」我問豆姐。
「好痛啊，痛到想喊，但為咗瘦身，無辦法！」豆姐。
痴線…女人為咗靚，真係可以去到好盡。
最近，上網見到一隻可以無痛通淋巴嘅產品，係eefit嘅能量活絡儀，利用eefit專利技術，只需要Clip喺件衫，就可以無痛無感咁增強血液淋巴雙循環，促進新陳代謝。
嚟緊聖誕節，我決定買嚟送畀豆姐，eefit能量活絡儀只得化妝粉盒咁細，輕便攜帶，就好似帶住個按摩師出街一樣，隨時隨地都可以通淋巴。
👉🏻購買詳情: https://bit.ly/2J6lV8M
📌購買地點: eefit官網、K11 Natural、百老匯、LOGON、指定豐澤、千色店及LCX有售
#eefit能量活絡儀 #增強血液淋巴雙循環 #全身淋巴clip住通 #隨時隨地無痛通淋巴 #無師自通 #促進新陳代謝 #香港品牌 #5個地區技術專利
後記：
豆姐問：「乜你好想帶個按摩師出街？男定女啊？」
「妳聽我解釋，係eefit能量活絡儀…」
Search